اموال - Money

فلوس من التصوير " 1 "

كثير مننا تواجهه مشكلتين مهمين عشان يبقى مصور بدخل جيد ومشهور أو على الأقل يجيله شغل يقدر يشجعه على الاستمرار وده بتوقف على أمرين.

علاقات قليلة  ، طريقة انتشار

المشكلتين دول أهم حاجة بتقابل المصور خصوصا لما يكون في أول حياته ومحتاج يأخذ الطريق ده كنوع من أنواع الشغل , أوعى تفتكر إن الصورة الحلوة بس تجبلك شغل ، طبعا ده مهم بس صدقني أنا شفت صورة نجفة في قاعة أفراح متصورة حلو أوى والعريس والعروسة تحتهم ميكملوش 20 % من الكادر والإضاءة صعبة جدا و واخده 8 ألاف " لايك " ده غير المشاركات وطبعا جابت شغل كتير لصاحبها ، الطريقة مش صعبة خصوصا ان كانت الموهبة موجودة عندك وإحنا هنا عشان نساعدك في أمر زي ده .

اقوي فتور ممكن يجي من ناحية التصوير لما متلاقيش جايب هامة ، التصوير حاجة من أتنين يا شغل يا هواية ، وان هواية هيجي في يوم وتلاقي نفسك محتاج تصرف عليها كتير اوى خصوصا ان معداتها غالية جدا ولتحسين نفسك باستمرار محتاج معدات باستمرار وتفهم استخدامها وتجرب انواع كتير من التصوير والى في الاخر هتلاقى نفسك بتصرف اثمان سيارات على التصوير ومبيجبلكش اى دخل .

ده هيجبلك فتور لان ببساطة لو عندك شغل في مكان تانى هتلاقى نفسك بتقسم دخلك على حاجتين حياتك والتصوير والى هيزيد جزء التصوير كل ما حبيتة اكتر ، طب والحل .

هانبتدى نمهد الطريق ليك ومعانا وبخطوة خطوة هتلاقى نفسك انتشرت وابتدى يجيلك عملاء

1. متصورش ببلاش إلا إذا كان تدريب

2. أوعى تتكسف وتصور ببلاش بعد ما تبقى مش محتاج تدريب

3. أوعى تتكسف تطلب فلوس

4. متأفورش في المبلغ المطلوب شوف خبرتك وابتدى من الأول

5. مترفضش شغل يجيلك ، ممكن تبعته لزميل واثق جدا فيه لو مشغول

6. اعمل لنفسك لوجو حلو

7. لازم يكون في مكان مخصص لأعمالك فقط " صفحة، موقع ".

8. ابتدى افرز صورك كويس لا تعرض اى صورة

9. تخصص في مجالين على الأكثر " منتجات وأفراح " " حفلات و أزياء " مترحش تنشر صور طبيعة وشارع و سلوت وكل من هب ودب في التصوير على صفحتك عندك حسابك اعمل إلى يعجبك علية

10. ابتدى افرز صورك كويس لا تعرض اى صورة

11. البومات الصور لا تزيد عن 5 صور فقط يعنى بس متحطش 100 صورة ولا حتى 20 في البوم واحد مش هيتشافوا

12. خد معاك حد بيصور احتياطي في اى فاعلية " صديق أو حتى اجر مصور "

13. لازم الصور تبقى في مكانين مختلفين وبعد ما تسلم الشغل خلى نسخة واحدة عندك لمدة عام على الأقل

14. حاول متتأخرش على العملاء لا قبل الحدث ولا في تسليم الصور ده شغل من خروجه صحاب

15. اهتم بكل عميل يجيلك لازم تعرف ذوق العميل وتقعد معه أو على الأقل تسأله شوية اسأله زى مثلا مين هيجي معاك ومين مع العروسة ، هتلبسوا ألوان إيه كل الأسئلة دي هتوضحلك هتعمل أية ساعتها ، مثلا لو العريس جي مع صحابة لازم تعرف توقف العريس مع العروسة امتى و الأوضاع الخاصة وان محتاج يلبسوا طقم واحد .. الخ

16. اعمل لنفسك قائمة بالأماكن إلى ممكن يتصوروا فيها واعرضها عليهم

17. أوعى تفتكر أن الإعجاب بالصور حاجة تافهة دي مهمة جدا

18. أهمية مواقع التواصل في نشر شغلك

19. متتكسفش من صورة قديمة

20. خليك مطرقع وحاول تخرج تسافر بيهم إن تقدر في أماكن جميلة كنير خارج المحافظات

21. أتفرج على شغل غيرك ، خصوصا الأجانب وتابع ديما كل جديد

22. حضر وقفات قبل ما تنزل الشغل

أوعى تفتكر إن الصورة تخرج من الكاميرا تتعرض لا لسه ليها مراحل عشان تتعرض متتسرعش والموضوع محتاج منك وقت ومجهود وتعلم وفهم للأمور .

تابعنا باستمرار عشان هينزل حاجات دائما تساعدك في أمور كثير في الناحية دي .